Lajçak: E kam përgëzuar Kurtin për marrëveshjen Kosovë-Serbi për energjinë

Lajme

Gazeta Express

27/06/2022 23:45

Miroslav Lajçak, i dërguar special i Bashkimit Evropian për Dialogun Kosovë-Serbi, ka thënë të hënën në Twitter se e ka përgëzuar kryeministrin e Kosovës Albin Kurtin për marrëveshjen e arritur për energjinë mes Kosovës dhe Serbisë.

Lajçak është takuar kryeministrin e Kosovës, Albin Kurtin me të cilin ka folur për vazhdimin e dialogut me Beogradin.

“Shumë mirë që u ktheva në Kosovë! E nisa vizitën time duke u takuar me kryeministrin për të vazhduar diskutimin tonë për rrugën përpara në Dialogun për normalizimin e marrëdhënieve. Unë gjithashtu e përgëzova atë për arritjen e një marrëveshjeje për energjinë javën e kaluar”, ka shkruar Lajçak.

Vizita e diplomatit evropian vjen në një kohë kur liberalizimi i vizave është injoruar në samitin BE-Ballkani Perëndimor.

BE-ja vazhdimisht i ka premtuar Kosovës se vizat do të liberalizohen. S’ka ndodhur. /Express

Very good to be back in Kosovo! I started my visit by meeting with Prime Minister @albinkurti to continue our discussion on the way forward in the Dialogue on normalisation of relations. I also commended him on reaching an agreement on energy last week. pic.twitter.com/PB8izlJMpX

— Miroslav Lajčák (@MiroslavLajcak) June 27, 2022