La Liga shkruan për Muriqin, ia bën një përmbledhje të golave më kokë

Futboll

Gazeta Express

21/02/2026 11:46

Faqja zyrtare e La Ligës në “Instagram” e ka bërë një postim të veçantë për yllin e kombëtares së Kosovës, Vedat Muriqin.

Në postimin e saj, La Liga ka bërë një përmbledhje të golave me kokë nga Muriqi në edicionin e sivjetëm.

“Pirati dardan” deri më tash ka shënuar gjashtë gola me kokë në sezonin aktual me Mallorcan, duke u bërë i pari që arrin këtë shifër që nga sezonit 2010/11.

“Top golashënuesi me kokë i pesë ligave më të mëdha evropiane. Lojtari i parë i Mallorcas që shënon gjashtë gola me kokë që nga Pierre Webo në sezonin 2010/11”, shkruan La Liga në faqen e saj zyrtare.

View this post on Instagram

A post shared by LALIGA (@laliga)

Vedat Muriqi po kalon në një sezon mjaft të mirë, duke shënuar 16 gola në total deri më tani në La Liga, me një skuadër si Mallorca që po lufton për mbijetesë.

Përpos 16 golave, Muriqi e ka edhe një asistim.

Ndërkohë, Mallorca e tij është në vendin e 18-të, me 24 pikë të tubuara nga po aq ndeshje.

Ndeshjen e radhës, Muriqi me Mallorcan do ta kenë këtë të diel, me fillim nga ora 18:30 në udhëtim te Celta Vigo./GazetaExpress/