Kuvendi i Prishtinës mban sot seancë të jashtëzakonshme për çështjen e buxhetit

Lajme

Gazeta Express

06/02/2026 7:14

Kuvendi Komunal i Prishtinës ka paralajmëruar mbajtjen e një seance të jashtëzakonshme, në të cilën do të diskutohet dhe votohet buxheti për vitin 2026.

Seanca do të mbahet sot, me iniciativë të kryesuesit të Kuvendit, Fehmi Kupina.

Pika e vetme e rendit të ditës është propozim-vendimi për miratimin e buxhetit për vitin 2026.

“Në bazë të nenit 44.4 te Ligjit nr. 03/L-040 për Vetëqeverisjen Lokale “Gazeta Zyrtare e Republikës së Kosovës” nr. 28/15, qershor 2008, e njoftojmë publikun se me datën 6.2.2026, në ora 10:00, në Sallën e madhe të mbledhjeve në Objektin e vjetër të Komunës, mbahet seanca e jashtëzakonshme e Kuvendit të Kryeqytetit, me një pikë të rendit të ditës: 1. Propozim-vendimi për miratimin e buxhetit për vitin 2026″, është bërë e ditur në njoftim.

Buxheti më herët nuk ka arritur të sigurojë mbështetjen e nevojshme në Kuvendin Komunal, duke lënë Prishtinën pa buxhet të miratuar.