Kush është shpëtimtari i çiftit që ra me veturë në Liqenin e Mitrovicës? - Gazeta Express

Kush është shpëtimtari i çiftit që ra me veturë në Liqenin e Mitrovicës?

Gazeta Express

25/10/2020 20:53

Një çift ka rënë me veturë sot në Liqenin Akumulues në Mitrovicë.

Dy personat kanë mbetur në ujë për disa minuta, ndërsa për t’i shpëtuar ata ishte hedhur Lulzim Hasani, punëtor i restaurantit që ndodhet afër vendngjarjes, njofton Klan Kosova

Ai, bashkë me një shok, ishte hedhur në ujë për t’i shpëtuar myshterinjtë.

”Nuk hezitova, si për vëlla dhe motër timen. Vendosa të hyj dhe t’u ndihmojë atyre, sepse ishin në rrezik për jetë”, rrëfeu Hasani.

Ai i nxori personat nga uji bashkë me një shok të tij, ndërsa pohon se në atë situatë nuk e kishte ndjerë ujin e ftohtë të Ibrit në momentet e intervenimit.

”Kur kam hyrë më është mpirë trupi krejt por, qëllimin kryesor e kisha me i nxjerrë këta dy persona”, u shpreh ai.

Megjithatë, tregoi se më vonë ka pasur ethe dhe temperaturë.

Çifti që ra në ujë nuk pësoi lëndime.

Ndërsa për nxjerrjen e veturës së tyre jashtë, që besohet se kishte pasur problem me frerët, u përkujdesën zhytësit e klubit Trepça.

Kush është shpëtimtari i çiftit që ra me veturë në Liqenin e Mitrovicës? – 25.10.2020 – Klan Kosova

Onair Media – https://smarturl.it/Onair.Media Follow Klan Kosova on… * FB: https://smarturl.it/KlanKosovaFb * IG: https://smarturl.it/KlanKosovaIG * YT: ht…