Kurti takohet me kryediplomatin e Qipros jonjohëse, tregon çfarë biseduan - Gazeta Express
string(72) "kurti-takohet-me-kryediplomatin-e-qipros-jonjohese-tregon-cfare-biseduan"

Lajme

Gazeta Express

05/07/2022 19:33

Kurti takohet me kryediplomatin e Qipros jonjohëse, tregon çfarë biseduan

Lajme

Gazeta Express

05/07/2022 19:33

Kryeministri i Kosovës, Albin Kurti, është takuar me Ministrin e Jashtëm të Qipros, Ioannis Kasoulides në Athinë.

Kurti ka bërë të ditur se në takim është folur për thellimin e marrëdhënieve mes dy shteteve, teksa e ka falënderuar diplomatin qipriot për mbështetje në procesin e liberalizimit të vizave, shkruan Gazeta Express.

Lexo Edhe:

“Kam folur me ministrin Ioannis Kasoulides për mundësitë e rritjes së komunikimit dhe bashkëpunimit ndërmjet Kosovës dhe Qipros. Ne theksuam potencialin për lëvizje pozitive në marrëdhëniet tona dypalëshe. E falënderova për mbështetjen e Qipros për liberalizimin e vizave për qytetarët e Kosovës”, shkroi Kurti në Twitter.

Qipro është një prej 5 vendeve të Bashkimit Europian që nuk e njeh pavarësinë e Kosovës.

Kurti po ashtu ka takuar sot ministrin e Jashtëm të Greqisë, Nikos Dendias, me të cilin ka biseduar për mundësinë e thellimit të raporteve mes dy vendeve, në kohën kur Greqia nuk e ka njohur ende pavarësinë e Kosovës.

Gjatë takimit, sipas njoftimit të Kryeministrisë, është theksuar nevoja edhe për liberalizimin e vizave për qytetarët e Kosovës, ku Kurti ka kërkuar ndihmën e Greqisë.