Kurti shkon në Kuvend për takim me Mustafën: Shpresojmë të arrijmë marrëveshje, ministrat vijnë në fund

Gazeta Express

02/12/2019 13:56

Lideri i Vetëvendosjes, Albin Kurti, ka arritur në Kuvend të Kosovës, aty ku për pak pritet të arrijë edhe lideri i LDK-së, Isa Mustafa, për të nënshkruar marrëveshjen për koalicion, shkruan Gazeta Express

I pyetur nga gazetarët se a do të ketë marrëveshje sot, ai ka thënë se për këtë arsye janë aty.

Ndryshe, pak minuta më parë, Kurti para selisë të VV-së tha për T7 se sot do të vazhdojnë bisedimet për kabinetin qeverisës, duke shpresuar që do të arrijnë marrëveshjen për ndarjen e përgjegjësive në ekzekutiv.

Në fund, vijnë emrat për ministri, ka deklaruar Kurti.

Takimi LDK-VV do të mbahet në orën 14:00.