Kurti pa reagim për Vjosa Osmanin që e mbylli mandatin, ka një urim për Balen Shah, kryeministrin e zgjedhur të Nepalit

Lajme

Gazeta Express

04/04/2026 21:19

Kryeministri Albin Kurti nuk ka reaguar për përmbylljen e mandatit nga presidentja Vjosa Osmani sot, e cila ia kaloi detyrën kryetares së Kuvendit, Albulena Haxhiu, në një ceremoni në Presidencë.

Megjithatë, Kurti nuk e la pa i dërguar urime kryeministri të zgjedhur të Nepalit për nisjen e mandatit të ri.

Ai në një postim në X i uroi suksese atij, ndërsa tha se pret forcim të bashkëpunimit mes Kosovës e Nepalit.

“Urime Balen Shah për zgjedhjen tuaj si Kryeministër i Nepalit. Ju uroj shumë suksese në avancimin e progresit, stabilitetit dhe mirëqenies për vendin tuaj. Pres me padurim forcimin e bashkëpunimit ndërmjet vendeve dhe institucioneve tona, si dhe ndërtimin e një partneriteti konstruktiv ndërmjet popullit të Kosovës dhe Nepalit”.

Congratulations @ShahBalen on your election as Prime Minister of Nepal. Wishing you every success in advancing progress, stability, and prosperity for your country. I look forward to strengthening cooperation between our countries and institutions, and to building a constructive…

— Albin Kurti (@albinkurti) April 4, 2026

Osmani përfundoi sot mandatin pesëvjeçar në krye të shtetit. Ajo u bë presidente pas marrëveshjes që pati me Kurtin në zgjedhjet e 2021-ës, në të cilat hynë në një listë të përbashkët. Osmani, e cila pati ambicie të mbesë edhe për një mandat presidente, nuk u kandidua nga Lëvizja Vetëvendosje në Kuvend./Express/