Kurti merr pjesë në Samitin e Planit të Rritjes së Bashkimit Europian që mbahet në Tiranë

Lajme

Gazeta Express

20/11/2025 12:45

Kryeministri në detyrë, Albin Kurti, do të marrë pjesë në Samitin e Planit të Rritjes së Bashkimit Europian që mbahet nesër më 21 nëntor, në Tiranë, njoftoi Zyra e Kryeministrit.

Ndërkaq, sonte Kurti merr pjesë në Darkën e Liderëve në kuadër të këtij samiti.

Samiti do të mbahet në Pallatin e Brigadave në Tiranë.

Kosova, për dallim nga vendet e rajonit, ende s’ka përfituar nga kjo pako miliardëshe e Bashkimit Europian për gjashtë vendet e Ballkanit Perëndimor për shkak të mungesës së institucioneve që nga mbajtja e zgjedhjeve më 9 shkurt. /Express/