Kurti i vendos gurthemelet e dy urave mbi Ibër sot, ZKM jep detaje – Brukseli i kërkoi të përmbahet

Lajme

Gazeta Express

01/07/2025 11:21

Zyra e Kryeministrit ka konfirmuar se sot do të vendoset gurthemeli për dy urat e reja mbi lumin Ibër që do të lidhin Mitrovicën e Veriut dhe atë të Jugut.

Në këtë ngjarje do të marrë pjesë edhe kryeministri në dorëheqje, Albin Kurti, bashkë me vartësit e tij, Elbert Krasniqi dhe Liburn Aliu.

Ndërkaq, nga komunat prezentë do të jetë kryetari i komunës së Mitrovicës së Veriut, Erden Atiq, që vjen nga partia e Kurtit, si dhe nga ajo e Jugut do të jetë nënkryetari Arian Tahiri.

Lidhur me të ardhmen e Urës së Ibrit nga Brukseli kanë thënë për Gazetën Express se BE është duke u koordinuar ngushtë me partnerët e saj dhe kanë kërkuar nga institucionet e Kosovës të përmbahen nga çfarëdo vendimi i pakoordinuar, përfshirë edhe synimin për ndërtimin e dy urave të reja ngjitur me Urën kryesore.

Aktivitetet që i njoftoi ZKM:

1. Vendosja e gurthemelit të urës për kalim të veturave mbi lumin Ibër

KOHA: 17:00

VENDI: Në afërsi të objektit të Komunës së Mitrovicës së veriut, Mitrovicë e veriut

2. Ecje e përbashkët drejt vendosjes së gurthemelit të urës për kalim të këmbësorëve mbi lumin Ibër

KOHA: 17.15

3. Vendosja e gurthemelit të urës për kalimin e këmbësorëve mbi lumin Ibër

KOHA: 17:30

VENDI: Përballë kopshtit të fëmijëve “Gëzimi ynë”, Mitrovicë e jugut

Pas vendosjes së gurthemelit të urës për kalimin e këmbësorëve do të ketë prononcim të përbashkët për media