Kurti: Gjendja e kapaciteteve prodhuese në KEK është e njëjtë me ato të pasluftës - Gazeta Express
string(80) "kurti-gjendja-e-kapaciteteve-prodhuese-ne-kek-eshte-e-njejte-me-ato-te-pasluftes"

Lajme

Gazeta Express

19/01/2022 15:39

Kurti: Gjendja e kapaciteteve prodhuese në KEK është e njëjtë me ato të pasluftës

Lajme

Gazeta Express

19/01/2022 15:39

Kryeministri Albin Kurti ka thënë sot se gjendja e kapaciteteve të prodhimit në Korporatën Energjetike të Kosovës (KEK) është e njëjtë me ato të pasluftës, shkruan Gazeta Express.

Ai tha se pamëshirshëm është vjedhur në KEK gjatë këtyre viteve.

Lexo Edhe:

Ai përmendi edhe keqpërdorimet e tenderëve.

“Edhe pse në KEK nga paslufta janë investuar më shumë se një miliardë euro, gjendja e kapaciteteve prodhuese është njësojë sikurse ajo kur kemi dal pasluftës. Me këto investime poqëse të mos ishte vjedhur pamëshirshëm sikurse edhe në tenderët e panumërt  sot gjendja në prodhimin e kapaciteteve të KEK-ut do të ishte krejt ndryshe dhe nuk do të kishte rënie të vazhdueshme të blloqeve si po na ngjan”, deklaroi Kurti.

Më tutje, Kurti foli edhe për investimet miliardëshe që janë bërë në KEK gjatë këtyre viteve.

“Edhe këtu mund të mos i quajmë mbi një miliardë investime, por një miliardë mjete për KEK-un ku një pjesë e konsiderueshme nuk mund t’i quajmë investime. Në Kosovë që nga viti 2005 ka nisur të flitet për kapacitete të reja prodhuese. Sikur të ishte filluar me kohë ndërtimi i kapaciteteve të reja apo edhe rindërtimi i ‘Kosovës A’, siç ka qenë një ide e shndërruar në projekt konkret para disa vitesh, sot s’do të kishte nevojë fare për import të energjisë. Përkundrazi kriza energjetike do të mund që të sillte përfitime për prodhuesit vendor”, ka thënë ai.

Kryeministri pohoi se KEK-u nuk është trajtuar si një aset i rëndësishëm shtetësor por si një ndërmarrje kalimtare.

“Trajtimi i KEK-ut si një ndërmarrje kalimtare e jo si një aset i rëndësisë më të lartë strategjike në vend, e kalon burimin kryesor të energjisë në Kosovë në situatë të mjerueshme ku përkundër përpjekjes nga stafi, situata në elektreana vazhdon të jetë e paparashikueshme”, tha ai. /Express/