Kurteshi i VV’së në valë tjera, propozon ‘‘naj maskotë, naj majmun’’ për informimin e qytetarëve për zgjedhje

Lajme

Gazeta Express

24/06/2025 15:56

Përfaqësuesi i Lëvizjes Vetëvendosje në Komisionin Qendror të Zgjedhjeve (KQZ), Sami Kurteshi, ka habitur me një propozim të pazakontë gjatë diskutimeve për fushatën informuese të zgjedhjeve lokale që do të mbahen më 12 tetor.

Ai ka sugjeruar që qytetarët të informohen përmes maskotave dhe madje edhe majmunëve, për të tërhequr më shumë vëmendje.

“Te ne edukimi dhe informimi janë të mefshta. Ne po dështojmë në edukim dhe informim”, tha Kurteshi gjatë mbledhjes.

Ai shtoi se njerëzit shpesh nuk kuptojnë proceset zgjedhore dhe se mënyrat aktuale të komunikimit nuk po japin rezultat.

“Me nxjerrë naj maskotë, naj majmun që e këqyrin njerëzit. Mua nuk më këqyrin. A din për çka m’këqyrin mua? Veç për naj konflikt me mediat”, tha ai.