Kur mund të tërhiqet 10-përqindëshi, flasin nga Trusti - Gazeta Express

Lajme

Gazeta Express

17/10/2020 19:38

Kur mund të tërhiqet 10-përqindëshi, flasin nga Trusti

Lajme

Gazeta Express

17/10/2020 19:38

Fondi Pensional i Kursimeve ka filluar përgatitjet për t’iu mundësuar kontributdhënësve që të bëjnë tërheqjen e 10-përqindëshit të kursimeve të tyre.

E për muajin se kur do të mund t’i tërheqin këto mjete qytetarët, kanë dhënë detaje nga Trusti.

Zëdhënësi i këtij institutucioni, Jeton Demi ka deklaruar se nëse Ligji për Rimëkëmbjen Ekonomike hyn në fuqi në nëntor, atëherë nga dhjetori qytetarët mund të bëjnë tërheqjen.

Demi ka treguar se rreth gjysma e kontributdhënësve mund të tërheqin nga 100 euro.

Ai ka shtuar se krahasuar me vitin e kaluar, janë rreth 6 mijë kontributdhënës më pak e po ashtu ka rënie në numrin e të punësuarve.

Deri më tani, vlera e mjeteve në Fondin e Kursimeve Pensionale të Kosovës ka arritur në mbi 2 miliardë euro me rreth 690 mijë kontributpagues.

Kjo i bie se vlera e përgjithshme që do të mundë të tërhiqej nga Fondi është rreth 200 milionë euro, mjete këto, që sipas zyrtarëve të Qeverisë së Kosovës, janë konsideruar se do të stimulonin kërkesën agregate në treg.

Projektligji për rimëkëmbje ekonomike, që më 22 korrik u miratua në Qeverinë e Kosovës, kap vlerën prej 385 milionë eurosh. Ky projektligj synon që përmes politikave fiskale dhe monetare, të ndihmohen bizneset, pas humbjeve të shkaktuara nga pandemia e koronavirusit.