Kur legjendat kthehen: Vëllaznimi dhe Besa bashkojnë nostalgjinë në Gjakovë

Futboll

Gazeta Express

26/07/2025 20:37

Vëllaznimi i Gjakovës dhe Besa e Pejës – dy emra që dikur shkruanin historinë e futbollit kosovar, sot rikthyen emocionet në një përballje miqësore që preku zemrat e shumëkujt.

Edhe pse prej vitesh larg skenës elitare, këto dy klube legjendare treguan se pasuria më e madhe nuk janë trofetë, por shpirti i gjallë dhe tifozët besnikë që nuk i harruan kurrë.

Në një ditë me temperatura përvëluese, Gjakova u mbush me dashuri dhe kujtime, zemrat që dikur brohorisnin në stadium, sot rrahën sërish për Vëllaznimin dhe Besën.

Ishte një atmosferë që të kthente pas në kohë, në ato ditë kur tribuna të tëra kumbonin, duke treguar se lavdia mund të zbehet në rezultate, por kurrë në kujtesë.