Kuka: Xhudoja po e shkruan historinë e Kosovës

Sporte tjera

Gazeta Express

22/05/2024 10:52

Xhudoja po vazhdon ta bëjë krenare Kosovën me sukseset e saj të jashtëzakonshme.

Sporti më i suksesshëm në vendin tonë ia doli t’ia sjellë edhe një medalje tokës Dardane.

Laura Fazliu e fitoi dje medaljen e bronztë në Kampionatin Botëror të xhudos, i cili po mbahet në Abu Dhabi, shkruan “Gazeta Express”.

Për garuesen kosovare kjo ishte medalja e parë në një garë aq prestigjioze, kurse Kosova me këtë rast e siguroi medaljen e tetë të Kampionateve Botërore.

E këto suksese s’kanë se si të mos e bëjnë krenar trajnerin e suksesshëm, Driton Kuka.

“Për një ditë të mirë. Xhudo po shkruan historinë e Kosoves. Spo e them unë por Federata Evropiane e xhudos! Laura është sportistja e pestë që po prek Majat Botërore nga Sporti i xhudos Kosovare!”, shkroi Kuka, i cili e shpërndau një postim të Federatës Evropiane të Xhudos, e cila ia kushtoi këtë postim Laura Fazliut. /Gazeta Express/