Kryetari i Zubin Potokut: Dalja në votim është shumë e vogël, vullneti i qytetarëve është që mos të na shkarkojnë - Gazeta Express
string(111) "kryetari-i-zubin-potokut-dalja-ne-votim-eshte-shume-e-vogel-vullneti-i-qytetareve-eshte-qe-mos-te-na-shkarkojne"

Kryetari i Zubin Potokut: Dalja në votim është shumë e vogël, vullneti i qytetarëve është që mos të na shkarkojnë

Lajme

Gazeta Express

21/04/2024 10:28

Kryetari aktual i Zubin Potokut, Izmir Zeqiri, ka thënë se është “shumë i vogël” numri i qytetarëve që kanë dalë për të votuar për ose kundër shkarkimit të tij nga posti i kryetarit.

Ai në një prononcim për Gazetën Express tha se deri tash, sipas informacioneve që ka, kanë dalë 2 ose 3 persona.

Lexo Edhe:

“Numër shumë i vogël, simbolik. Në bazë të informacioneve që kam, 2-3 persona kanë dalë, mirëpo nuk ka përgjigje masovike të qytetarëve. Vendvotimet janë të hapura. Përgjigja e qytetarëve është shumë e vogël”, tha ai.

Zeqiri tha se kjo “përgjigje e vogël” e qytetarëve është për shkak se vullneti i tyre është që të mos e shkarkojnë atë dhe jo sepse Lista Serbe ka bërë thirrje për bojkot.

Ai tha se Lista Serbe e din se ku është në raport me qytetarin.

“Unë besoj që nuk po dojnë me na shkarku, dmth vullneti i qytetarëve është për mos me na shkarku. Qytetarët nuk i binden Listës Serbe. Lista Serbe e din se ku është me votën, në raport me qytetarin”, tha Zeqiri për Express.

Gazeta Express ka tentuar të kontaktojë edhe me kryetarët tjerë në Veri – Erden Atiq, Lulzim Hetemin dhe Ilir Pecin- por të njëjtit nuk i janë përgjigjur telefonatave të redaksisë.