Kryetari i Prizrenit, Shaqir Totaj folës në konferencën më të madhe të Google për AI në Kosovë

Lajme

Gazeta Express

27/09/2025 18:18

Për herë të parë në Kosovë, gjiganti botëror Google dhe qyteti i Miamit bashkohen për të sjellë në vendin tonë Expand to US + AI Conference 2025 – një forum ndërkombëtar mbi teknologjinë dhe inteligjencën artificiale.

Kryetari i Prizrenit, Shaqir Totaj, do të jetë një nga folësit kryesorë të konferencës. Ai e vlerësoi këtë si një mundësi historike për qytetin:

“Prizreni po hyn fuqishëm në epokën e re të teknologjisë dhe inovacionit. Ky forum është një mundësi e jashtëzakonshme për ta lidhur qytetin tonë me qendrat globale të zhvillimit digjital.”

Totaj theksoi se ky hap do të ndikojë drejtpërdrejt në zhvillimin ekonomik dhe krijimin e mundësive të reja për të rinjtë:

“Kjo ngjarje do të sjellë investime, do të hapë dyer për bizneset dhe do të krijojë mundësi për të rinjtë tanë. Është dëshmi e vizionit tonë për Prizrenin Modern – një qytet që përqafon teknologjinë dhe zhvillon ekonomi kreative”.

Konferenca pritet ta vendosë Prizrenin dhe Kosovën në fokusin e hartës ndërkombëtare të inovacionit dhe inteligjencës artificiale.