Kryesia e PDK miraton kandidaturat për kryetarë komunash, në Drenas garon me Petrit Hajdarin, bie Ramiz Lladrovci

Lajme

Gazeta Express

27/07/2025 18:18

Kryesia e Partisë Demokratike të Kosovës njofton se ka mbajtur sot mbledhjen e radhës, në të cilën është miratuar edhe lista përfundimtare e kandidatëve për kryetarë të komunave.

Kryesia e PDK-së, thekson se lista përfundimtare ka 31 kandidatë për kryetarë të komunave, nga ku zyrtarizohet se Ramiz Lladrovci nuk do të jetë kandidat për kryetar të Drenasit, por në vend të tij besimin e partisë e ka marrë Petrit Hajdari.

Kandidaturat që janë miratuar nga Kryesia e Partisë Demokratike të Kosovës janë si vijon:

1.      Prishtinë – Uran Ismaili

2.      Ferizaj – Agim Aliu

3.      Prizren – Shaqir Totaj

4.      Mitrovicë – Arian Tahiri

5.      Vushtrri – Ferit Idrizi

6.      Skenderaj – Sami Lushtaku

7.      Drenas – Petrit Hajdari

8.      Kaçanik – Sabedin Vishi

9.      Hani i Elezit – Mehmet Ballazhi

10.  Gjilan – Riad Rashiti

11.  Pejë – Arta Nallbani

12.  Gjakovë – Ervin Shabani

13.  Klinë – Sokol Bashota

14.  Lipjan – Shukri Buja

15.  Shtime – Përparim Ramusa

16.  Dragash – Shaban Shabani

17.  Malishevë – Gëzim Krasniqi

18.  Rahovec – Edon Cana

19.  Suharekë – Dardan Berisha

20.  Podujevë – Isak Shabani

21.  Fushë Kosovë – Rrahim Tërrnava

22.  Kamenicë – Jona Arifi

23.  Viti – Bekim Azizi

24.  Istog – Ali Nimanaj

25.  Deçan – Korab Mushkolaj

26.  Zubin Potok – Izmir Zeqiri

27.  Zveçan – Ilir Peci

28.  Mitrovicë e Veriut – Flutura Hamza

29.  Leposaviq – Shaqir Hetemi

30.  Shtërpcë – Garip Sahiti

31.  Novobërdë – Selatin Nuhiu

“Partia Demokratike e Kosovës shpreh mirënjohje të veçantë për kontributin e katër kryetarëve aktualë të komunave: Bedri Hamza (Mitrovicë), Ramiz Lladrovci (Drenas), Fadil Nura (Skenderaj) dhe Besim Ilazi (Kaçanik), të cilët nuk janë kandidatë në këto zgjedhje, por që gjatë mandatit të tyre kanë ofruar një qeverisje efikase për qytetarët dhe një përfaqësim dinjitoz të vlerave të PDK-së”, thuhet në njoftim.

PDK njofton se “me miratimin e kësaj liste, përmbyllet zyrtarisht procesi i kandidimit për kryetarë të komunave”.

“PDK do të garojë gjithashtu në katër komuna të tjera, Obiliq, Junik, Kllokot dhe Mamushë, vetëm me listë të kandidatëve për Kuvendin Komunal. Ndërkaq, në Graçanicë, do të garoj në një listë të përbashkët me të gjitha partitë tjera shqiptare.

Ne besojmë fuqishëm se në zgjedhjet e 12 tetorit do të fitojë sërish vizioni ynë për një qeverisje të ndershme, efikase dhe në shërbim të çdo qytetari, vizion që do të reflektohet në çdo komunë ku PDK do të marrë përgjegjësinë e qeverisjes”, përfundon njoftimi i PDK-së.