Kryeministri kroat premton mbështetje të vazhdueshme për anëtarësim të Ballkanit në BE

Gazeta Express

16/02/2020 21:45

Kryeministri i Kroacisë, Andrej Plenkovic, deklaroi sot se darka e liderëve të BE dhe Ballkanit Perëndimor do t’i kushtohet kryesisht përgatitjeve për Samitin e Bashkimit dhe rajonit në Zagreb, të planifikuar për 6 dhe 7 maj.

“Pas 20 vjetësh nga samiti i parë në Zagreb, ne kemi përsëri, me iniciativën tonë, vendosëm fuqishëm në agjendën e institucioneve më të larta të BEssë çështjen e Evropës Juglindore, zgjerimin dhe mbështetjen e Kroacisë për vendet fqinje në rrugën e tyre drejt BE”, tha Plenkovic.

Duke mbërritur në një darkë pune në Bruksel, kryeministri kroat theksoi se ai ishte optimist se së shpejti do të merret një vendim pozitiv për të hapur negociatat e pranimit për Shqipërinë dhe Maqedoninë Veriore.

Ai thotë se pret një vendim për këtë para samitit të Zagrebit.

“Kjo do ta bënte atmosferën në Zagreb më pozitive”, tha Plenkovic.

Kryeministri i Kroacisë deklaroi se një “paketë investimesh dhe integrimi më i mirë” evropian, i destinuar për rritjen ekonomike të vendeve të Ballkanit Perëndimor, pritet përpara samitit të Zagrebit.

Plenkovic tha se shpresonte që samitet e BE dhe Ballkanit Perëndimor të mbaheshin “të paktën çdo dy vjet”, i cili, tha ai, do të ishte një sinjal i angazhimit të vazhdueshëm dhe të përkushtuar të BE me Ballkanin Perëndimor dhe rrugën e tyre drejt BE-së.