Kreu i Komunës së Kllokotit arrestohet nën dyshimet për dallavere me vota - Gazeta Express
string(73) "kreu-i-komunes-se-kllokotit-arrestohet-nen-dyshimet-per-dallavere-me-vota"

Lajme

Gazeta Express

12/03/2021 12:22

Kreu i Komunës së Kllokotit arrestohet nën dyshimet për dallavere me vota

Lajme

Gazeta Express

12/03/2021 12:22

Prokuroria Speciale ka njoftuar se është arrestuar Kryetari i Komunës së Kllokotit, Bozhidar Dejanovic, nën dyshimet për dallavere me vota në zgjedhjet e 14 shkurtit, raporton Express.

Përmes një njoftimi drejtuar mediave, Prokuroria ka bërë me dije se ai është ndaluar për 48 orë.

Lexo Edhe:

“Mbi këtë bazë, me vendim të prokurorit të çështjes u vendos ndalimi dhe arrestimi i të pandehurit, Bozhidar Dejanovic, për 48 orë, dhe brenda afati ligjor do të paraqitet para Gjyqtarit të procedurës Paraprake”, thuhet në njoftim./Gazeta Express

Njoftimi i plotë i Prokurorisë:

Prokuroria Speciale e Republikës së Kosovës, njofton opinionin publik se, sot, ka ekzekutuar Urdhrin e Gjyqtarit të procedurës paraprake, për kontrollimin e Objekteve të Komunës së Kllokotit, në lidhje me një hetim që është duke zhvilluar ndaj Kryetarit të Komunës, të pandehurit Bozhidar Dejanovic, nën dyshimin se ka kryer veprën penale “Cenim i përcaktimit të lirë të votuesve” e paraparë dhe sanksionuar me nenin  210  të Kodit Nr. 06/L-074 Penal të Republikës së Kosovës ( tutje ‘’KPRK’’).

Mbi këtë bazë, me vendim të prokurorit të çështjes u vendos ndalimi dhe arrestimi i të pandehurit, Bozhidar Dejanovic, për 48 orë, dhe brenda afati ligjor do të paraqitet para Gjyqtarit të procedurës Paraprake.