Kremlini kërcënon pavarësinë e Moldavisë, paralajmëron presidentja përpara votimit kyç

Lajme

Gazeta Express

23/09/2025 23:08

Presidentja e Moldavisë, Maia Sandu, ka paralajmëruar se pavarësia dhe e ardhmja evropiane e vendit të saj janë në rrezik, pasi policia arrestoi dhjetëra persona të akuzuar për përfshirje në një komplot për të nxitur trazira të dhunshme, që dyshohet se mbështeten nga Rusia, ka raportuar BBC, transmeton Gazeta Express.

Vetëm disa ditë para zgjedhjeve të rëndësishme parlamentare të së dielës, policia moldave tha se kishte konfiskuar armë dhe eksplozivë në bastisje në të gjithë vendin.

Ata pretendojnë se disa nga 74 të ndaluarit kishin udhëtuar në Serbi për trajnim nga instruktorë rusë, përfshirë edhe me armë zjarri.

Duke iu drejtuar kombit, Presidentja Sandu akuzoi Kremlinin për “derdhjen e qindra miliona eurove” në Moldavi në një përpjekje për të nxitur dhunën dhe për të përhapur dezinformim dhe frikë.