Krasniqi themelon grupin punues për Bordin e Mitrovicës: Ka ndihmuar në projektet si urat e reja

Lajme

Gazeta Express

19/03/2026 10:59

Elbert Krasniqi, ministër i Administrimit të Pushtetit Lokal, ka njoftuar se ka nënshkruar vendimin për themelimin e grupit punues për organizimin dhe funksionimin e bordit të Mitrovicës.

Krasniqi, në postimin e tij ka thënë se ky bord, ka ndihmuar projekte të cilat kanë bashkuar dy komunat, ndër to edhe urat e reja, duke krijuar një fazë të re të bashkëpunimit dhe zhvillimit, përcjell Express.

Postimi:

Sapo kam nënshkruar vendimin për themelimin e grupit punues për organizimin dhe funksionimin e bordit të Mitrovicës.

Bordi i Mitrovicës ka sjellur dhe ndihmuar projekte të cilat kanë bashkuar dy komunat, ndër to edhe urat e reja, duke krijuar një fazë të re të bashkëpunimit dhe zhvillimit.

Në jug dhe në veri, mbështetja shtetërore nuk do të mungojë dhe do të mbështesim këtë bord në propozimet e tyre për të mirën e qytetarëve tanë.