KQZ publikon numrin e aplikuesve nga diaspora për votim në zgjedhje – Ka mbetur edhe një ditë për regjistrim

Lajme

Gazeta Express

05/12/2025 23:32

Komisioni Qendror Zgjedhor (KQZ) ka bërë të ditur se deri më tani kanë aplikuar për regjistrim 63 mijë e 997 nga diaspora për zgjedhjet e parakohshme parlamentare.

Në një njoftim për media, KQZ-ja përkujton bashkatdhetarët se ka mbetur edhe një ditë afat për aplikim për të votuar jashtë Kosovës.

“Mos e humb mundësinë tënde që zëri yt të dëgjohet”, thuhet në një njoftim të KQZ-së në Facebook.

Tutje KQZ, ka bërë të ditur edhe për adresën për aplikim online, https://diaspora.kqz-ks.org/sq/, ose përmes postës në kutinë postare të KQZ-së.