KQZ e Bosnjës ia hoqi mandatin e presidentit, Dodik refuzon vendimin me disa fjalë fyese

Lajme

Gazeta Express

06/08/2025 12:43

Komisioni Qendror Zgjedhor i Bosnjës dhe Hercegovinës (CIK BeH) në seancën e sotme ia hoqi mandatin Presidentit të Republikës Srpska Milorad Dodik.

Dodik fillimisht e bëri deklaratën e tij me një mesazh të shkurtër në të cilin shkroi “Një tjetër copë m… nga Sarajeva – e fundit”, dhe më pas pasoi një reagim i ri.

“Dorëzimi dhe heqja dorë nuk ekzistojnë. Dorëzimi nuk është një opsion” – theksoi ai.

Ai shtoi se “nuk ka CEK”.

“Betohem se do t’i kryej me ndërgjegje dhe përgjegjësi detyrat e mia, do të ruaj sekretet shtetërore, do të mbroj dhe përfaqësoj interesat e popullit dhe qytetarëve të Republikës Srpska, dhe do t’i përmbahem me nder Kushtetutës dhe ligjeve të Bosnjës dhe Hercegovinës dhe Republikës Srpska. Nuk ka CiK këtu” – tha Dodik.

Pasi vendimi i sotëm të bëhet përfundimtar, CEK do të marrë një vendim për thirrjen dhe mbajtjen e zgjedhjeve të parakohshme për Presidentin e entitetit Republika Srpska.