KQZ e Bosnjës ia hoqi mandatin, Dodik shpall referendum për veten: Populli ma ka dhënë, ata vendosin

Lajme

Gazeta Express

06/08/2025 17:26

Kreu i Republika Srpskas, pro-rusi Milorad Dodik, mandati i të cilit është revokuar nga Komisioni Qendror Zgjedhor i Bosnjës dhe Hercegovinës, i cili duhet të konfirmohet me një vendim përfundimtar, ka njoftuar sot se po shpall një referendum për “veten”.

Pas një takimi me partnerët e koalicionit, Dodik ka njoftuar se ata kishin vendosur unanimisht të vazhdonin të “mbronin pozicionin kushtetues dhe pozicionin e RS”, shkruan Klix.ba

Ai tha se në takim ata arritën në përfundimin se pozicioni i Republika Srpskas ishte kërcënuar fuqishëm nga veprimet e Përfaqësuesit të Lartë Christian Schmidt, për të cilin ai përsëriti qëndrimin e tij se “ai nuk është i ligjshëm, nuk është konfirmuar në Këshillin e Sigurimit, se ka vetëm një vullnet politik pas tij dhe se Aneksi 10 është shkelur”.

“E gjithë kjo është shkelur sepse ata besojnë se kanë të drejtë të menaxhojnë fatin e popullit”, ka deklaruar Dodik.

Ai ka deklaruar se “Mandati më është dhënë nga populli, kështu që do t’i dëgjoj ata në referendumin, i cili do të mbahet në periudhën e ardhshme dhe i cili do të vendosë për mua”./Express/