Personat e infektuar me COVID-19 nuk po e respektojnë vendimin për vetizolim. Vetëm gjatë ditës së martë, katër persona që kanë rezultuar pozitiv me koronavirus kanë dalë në rrugë, raporton Express
Katër persona të infektuar me virusin COVID-19 nuk e kanë respektuar vendimin për vetizolim gjatë ditës së martë.
Policia e Kosovës ka njoftuar se në Prishtinë, Gjakovë, Malishevë e Shirokë, persona të infektuar me koronavirus janë hasur rrugëve.
Në Prishtinë, i infektuari me koronavirus ka dalë në qytet, ku është rrahur nga persona të panjohur.
“Prishtinë 14.07.2020-15:30. Raportohet se i dyshuari mashkull kosovar i cili ishte pozitiv me virusin Covid-19 nuk i është përmbajtur rregullave dhe vendimeve të Qeverisë për vetë izolim, është hasur në rrugë ku ishte sulmuar fizikisht nga persona të panjohur. I njëjti është dërguar në QKUK ndërsa me urdhër te prokurorit është iniciuar lënda”, njofton policia.
Një i infektuar me koronavirus ka dalë mesditën e së martës në Shirokë, duke mos iu përmbajtur rregullave të izolimit.
“Shirokë 14.07.2020 –11:00. Është raportuar se i dyshuari mashkull kosovar i cili ka rezultuar pozitiv me virusin Covid-19 nuk i është përmbajtur rregullave dhe vendimeve të Qeverisë për vetë izolim. Me urdhër të prokurorit ndaj të dyshuarit është iniciuar lënda”, bëhet e ditur në raportin e policisë.
Njëjtë ka vepruar edhe një i infektuar me koronavirus, në Malishevë. Ai nuk i është përmbajtur vendimit për vetizolim.
“Malishevë 14.07.2020 –09:50. Është raportuar se i dyshuari mashkull kosovar i cili ka rezultuar pozitiv me virusin Covid -19 nuk i është përmbajtur rregullave dhe vendimeve të Qeverisë për vetë izolim. Me urdhër të prokurorit ndaj të dyshuarit është iniciuar lënda”, thekson policia.
Edhe në Gjakovë një person i infektuar me koronavirus ka dalë në qytet, duke mos respektuar vendimin për izolim.
“Gjakovë 13.07.2020 –21:00. Është raportuar se i dyshuari mashkull kosovar i cili ka rezultuar pozitiv me virusin Covid -19 nuk i është përmbajtur rregullave dhe vendimeve të Qeverisë. Me urdhër të prokurorit ndaj të dyshuarit është iniciuar lënda”, njofton policia.
Ndaj katër të dyshuarve, me urdhër të prokurorit është iniciuar lënda. /GazetaExpress/
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...