Kosova zë vendin e shtatë në Kampionatin Botëror të Karatesë - Gazeta Express

Sporte tjera

Gazeta Express

19/11/2021 16:16

Kosova zë vendin e shtatë në Kampionatin Botëror të Karatesë

Sporte tjera

Gazeta Express

19/11/2021 16:16

Kombëtarja e Kosovës në karate, ka zënë vendin e shtatë në ekipore në Kampionatin Botëror të Karatesë, që po mbahet në Dubai të Emirateve të Bashkuara Arabe.

Karateistët kosovarë shënuan tri fitore. Në raundin e parë mundën Afrikën e Jugut, në të dytën Kilin, ndërsa në të tetën e finales humbën nga Italia, e cila falë kalimit në finale, i mundësoi Kosovës repesazhin.

Lexo Edhe:

Djemtë tanë e nisën mirë repesazhin, duke fituar ndaj Brazilit, por që më pas pësuan u mundën nga Kazakistani, duke humbur mundësinë për të luftuar për medaljen e bronztë.

Është ky suksesi më i madh i karateistëve kosovarë në ekipore, në një Kampionat Botëror. Në konkurrencën e femrave, Kosova ishte ndalur në raundin e parë nga Rusia.

Të enjten, katër garuesit tanë, Fortesa Orana, Elhami Shabani, Albulena Gërvalla dhe Ylli Cenaj, garuan në individuale përmes repesazhit, por pa mundur të hyjnë në zonën e medaljeve.

Drejtësinë në Botëror e ndanë edhe gjyqtarët kosovarë, Ardian Muhadri dhe Besim Ilazi.