Kosova në grupin e 13 shteteve për të cilat SHBA do të ndajë rreth 6 milionë vaksina anti-COVID

Lajme

Gazeta Express

03/06/2021 17:32

Raportuesja e Washington Post dhe MSNBC rreth Shtëpisë së Bardhë, Anne Rumsey Gearan, ka bërë të ditur se Shtetet e Bashkuara të Amerikës kanë marrë vendim për shpërndarjen ndërkombëtare të 25 milionë dozave të vaksinave.

Në listën e shteteve ku do të mbërrijnë këto vaksina është edhe Kosova, megjithatë nuk dihet se në çfarë sasie, shkruan Gazeta Express.

Kosova është në një grup me Meksikën, Kanadanë, Republikën e Koresë, Bregun Perëndimor dhe Gazën, Ukrainën, Haitin, Gjeorgjinë, Egjiptin, Jordaninë, Irakun, Jemenin dhe punëtorët e vijës së parë të Kombeve të Bashkuara.

Për këtë grup të shteteve ku gjendet Kosova janë planifikuar të ndahen përafërsisht 6 milionë vaksina.

 Ndërkohë një sasi tjetër prej 19 milionë vaksinave do të shpërndahet për një numër tjetër të shteteve.

“Approximately 6 million will be targeted toward regional priorities and partner recipients, including Mexico, Canada, and the Republic of Korea, West Bank and Gaza, Ukraine, Kosovo, Haiti, Georgia, Egypt, Jordan, Iraq, and Yemen, as well as for United Nations frontline workers.”

— Anne Rumsey Gearan (@agearan) June 3, 2021