Kosova, kampione e Ballkanit

Sport

Gazeta Express

16/07/2023 23:13

Kombëtarja e Kosovës në beach volley U22, në konkurrencën e femrave ka arritur të fitoj titullin e Kampionit Ballkanik.

Dyshja Melirona Avdullahu/Yllka Jashari të drejtuara nga Vildane Jashari në finale kanë mposhtur kombëtaren turke me rezultat 2:1 në sete (21:19, 18:21, 15:4).

Gara është mbajtur në Shtip të Maqedonisë së Veriut, ndërsa dyshja Avdullahu/Jashari gjatë tri ditëve të garës kanë treguar lojëra cilësore.

Federata e Volejbollit e Kosovës (FVK) vlerësoi se “ky sukses i madh tregon se Kosova ka talent dhe potencial të madh në beach volley dhe vajzat tona janë burim frymëzimi për brezat e ardhshëm të sportisteve”.

FVK gjithashtu shkroi: “Urojmë vajzat tona për suksesin e tyre të shkëlqyet dhe presim me padurim të shohim më shumë arritje të mëdha nga ju në të ardhmen. Urime Kosovë”. /Gazeta Express/