Shikuesit e ABC dhe T7 të dielën mbrëma për dy orë të plota janë shoqëruar me episodin e ri të programit televiziv ‘’Kosherja’’ duke u gozhduar para ekranit me të qeshura pa fund.
Shtëpia më e re e humorit, e cila vjen çdo të diel në shtëpitë tuaja është shndërruar në programin më të dashur të humorit në televizionet shqiptare, shkruan GazetaExpress.
Si episodet e kaluara edhe episodi i pestë me radhë solli të qeshura nëpërmjet humorit e satirës duke shigjetuar problematika të ndryshme social-kulturore e politike.
‘’Kosherja’’ nën regjinë dhe autorësinë e Altin Bashës përbëhet nga një staf i gjerë artistësh që janë profesionistët më të mirë të fushave./GazetaExpress/