Kontrata e re e De Jong has në pengesa, problem bëhet agjenti i tij

Futboll

Gazeta Express

08/07/2025 17:34

Barcelona dhe Frenkie de Jong dukeshin në një moment gjatë kësaj vere të destinuar për një ndarje të tensionuar, por pas një gjysme të dytë të shkëlqyer të sezonit nën drejtimin e Hansi Flick, marrëdhënia mes klubit dhe lojtarit ka marrë një kthesë të madhe. 27-vjeçari tani pritet të nënshkruajë një kontratë të re me Barcelonën.

Rroga e De Jong është ndër më të lartat në skuadër dhe marrëveshja e re pritet ta sjellë atë në përputhje me pagat e pjesës tjetër të ekipit. Sipas raportimeve, Barcelona ka arritur një marrëveshje paraprake për ta rinovuar kontratën, por ende nuk ka pasur përparim konkret drejt nënshkrimit.

Sipas “Diario AS”, vonesa po shkaktohet nga ish-agjenti i De Jong, Ali Dursun. De Jong është ndarë nga Dursun më herët këtë vit për të përshpejtuar negociatat me Barcelonën, por ende nuk dihet se me kë po punon aktualisht për ta finalizuar marrëveshjen e re.

Megjithatë, Dursun, nga agjencia HCM Sports, thuhet se po e bën të vështirë procesin e ndarjes me De Jong dhe, për sa kohë që marrëdhënia profesionale mes tyre nuk është ndërprerë zyrtarisht, Barcelona nuk mund ta nënshkruajë kontratën e re me mesfushorin holandez.

Flick nuk pati asnjë hezitim ta rikthente De Jong në formacionin bazë sapo ai tregoi se ishte në formë të mirë dhe ai zëvendësoi Marc Casado-n që kishte luajtur më parë në atë pozitë. Megjithatë, sezonin e ardhshëm, holandezi do ta ketë më të vështirë garën për minuta, me Pedrin që është i pazëvendësueshëm në krah të tij.