Konspiracionisti dhe deputeti serb sheh armiq kudo për shkak të rezolutës për Srebrenicën: Serbë, kthehuni nga Kina e Rusia - Gazeta Express
string(121) "konspiracionisti-dhe-deputeti-serb-sheh-armiq-kudo-per-shkak-te-rezolutes-per-srebrenicen-serbe-kthehuni-nga-kina-e-rusia"

Konspiracionisti dhe deputeti serb sheh armiq kudo për shkak të rezolutës për Srebrenicën: Serbë, kthehuni nga Kina e Rusia

Lajme

Gazeta Express

16/04/2024 12:37

Deputeti i Serbisë dhe antivaksisti dhe teoricieni i konspiracionit Branimir Nestoroviç pohoi se rezoluta për Srebrenicën, e cila po përgatitet për miratim në Asamblenë e Përgjithshme të OKB-së, “tregon se Serbia dhe populli serb duhet të ndajnë rrugët me Perëndimin, dhe të ndërtojnë të ardhmen e tyre në anën tjetër”.

Duke folur për efektet e mundshme të rezolutës në Srebrenicë, Nestoroviq tha se “ajo rezolutë paralajmëron Serbinë dhe serbët se ata kanë armiq seriozë – francezët, gjermanët, amerikanët dhe vendet e tjera perëndimore”.

Lexo Edhe:

“Shpresoj se kjo rezolutë do të ketë efekt që të shmanget më shumë perëndimi, marrëzia dhe humbja e kohës me BE-në dhe armiqtë e tjerë dhe më në fund të shkojmë në rrugën tonë, sepse kemi potencialin dhe mbështetjen e superfuqive Kinës dhe Rusisë”, tha Nestoroviq.

Ai beson se përgatitja e rezolutave në Asamblenë e Përgjithshme të OKB-së dhe një sërë ngjarjesh të tjera tregojnë se Serbia duhet të trajtohet si vend armik.

“Ne kemi mbështetjen e dy superfuqive – Kinës dhe Rusisë dhe vendeve mike si Hungaria dhe Sllovakia. Prandaj, çfarë bën më shumë Perëndimi për ne? Kam humbur dhëmbët duke folur për këtë,” tha Nestoroviq.