Kongresisti Torres për Eliot Engel: Ishte hero, pati rol kyç në mbrojtjen e shqiptarëve nga gjenocidi i Millosheviqit

Lajme

Gazeta Express

10/04/2026 23:35

Kongresisti amerikan, Ritchie Torres, është shprehur i pikëlluar me vdekjen e ish-kongresmenit Eliot Engel, duke thënë se karriera e këtij të fundit në shërbimin publik ishte legjendare dhe e gjatë.

Torres, ka theksuar se Engel përveç anëtar i kongresit, ka qenë edhe një hero për shumëkënd.

‘’ Ai luajti një rol kyç në mbrojtjen e shqiptarëve të Kosovës nga spastrimi etnik dhe gjenocidi nga regjimi vrastar i Slobodan Milošević’’, ka shkruar Torres mes tjerash, përcjell Gazeta Express.

Postimi:

Jam thellësisht i pikëlluar nga ndarja nga jeta e Eliot Engel, karriera e të cilit në shërbimin publik ishte po aq legjendare sa edhe e gjatë.

Ai nuk ishte thjesht një anëtar i Kongresit; ai ishte një hero për shumëkënd.

Jetët e qindra mijëra njerëzve u shpëtuan falë përkrahjes së tij të palëkundur. Ai luajti një rol kyç në mbrojtjen e shqiptarëve të Kosovës nga spastrimi etnik dhe gjenocidi nga regjimi vrastar i Slobodan Milošević.

Për dekada, ai ishte një institucion në Bronx, një mbrojtës i vendosur i marrëdhënies SHBA–Izrael dhe një luftëtar i fuqishëm për pavarësinë e demokracisë më të re në botë: Kosovën.

Trashëgimia që ai lë pas do të zgjasë për brezat që do të vijnë.

I am deeply saddened by the passing of Eliot Engel, whose career of public service was as legendary as it was longstanding.

He was not merely a Member of Congress; he was a hero to many.

The lives of hundreds of thousands were saved by his unwavering advocacy. He played a…

— Ritchie Torres (@RitchieTorres) April 10, 2026