Komunikatë e VMRO-DPMNE-së për përballjen e pushtetit me koronavirusin - Gazeta Express

Komunikatë e VMRO-DPMNE-së për përballjen e pushtetit me koronavirusin

Maqedoni

Gazeta Express

02/07/2020 11:18

Është turp që me 150 të sëmurë dhe 10 të vdekur në ditë, prioritet i Zaevit dhe Filipçes të jetë regjistrimi i PR klipeve.

Në qershor, ka pasur të sëmurë sa në të gjithë muajt tjerë më parë. Zaev dhe Filipçe në vend që të tregojnë shqetësim për shëndetin, po mbajnë tubime dhe xhirojnë klipe.

Maqedonia pothuajse tërë muajin shënon numra treshifror të personave të infektuar. Bilanci i zi në 24 orët e fundit është 120 të infektuar të rinj dhe 4 të vdekur. Vetëm muaji qershor ka të prekur sa muajt tjerë më parë. Maqedonia është një rekordere në rajon për personat e infektuar dhe të vdekur për një milion banorë. Megjithatë, kjo nuk e ndalon Filipçen aktrojë në klipet dhe tubimet e Zaevit.

Kjo është në fakt mosaftësia dhe papërgjegjësia e Qeverisë së Zaevit dhe Filipçes.

Në qoftë sedo të ishte një krim, korrupsion apo shantazh, Qeveria e Zaevit do të ishte e organizuar në maksimum, por jo kur duhet të mbrohen shëndeti dhe jeta e qytetarëve.

Gjithë opinioni e pa se si ishin të organizuara kur duhej të negocionin me biznesmenin kontrovers Daka, për çka ai vetë pretendoi se ka paguar 300 mijë euro. E shohim se si bëhet pazar me drejtësinë për 4, 6, 8 milionë euro, ndërsa ka dëshmi se të gjitha paratë e zhvatura kanë përfunduar te Zoran dhe Vice Zaevi. E gjithë opinioni e pa se si drejtori i Fondit shëndetësor, personi i dytë në shëndetësi në Maqedoni, vë pako të parave në çantën e tij, ndërsa në Maqedoni njerëzit janë duke vdekur nga sëmundje banale apo nga mungesa e fondeve për operacione.

Ky është mjerimi i qeverisjes së LSDM-së dhe Zaevit, të cilin qytetarët e ndjejnë në kurrizin e tyre.

LSDM dhe Zaev kanë treguar se mund të kryejnë vetëm me shume krime, mund të bëjnë më shumë korrupsionin dhe vetëm dështime.

Qendra për komunikim e VMRO-DPMNE-së.