Komunikacioni në mbarë vendin zhvillohet pa pengesa

Maqedoni

Gazeta Express

15/07/2025 12:48

Komunikacioni në rrugët e vendit po zhvillohet pa ndërprerje, nëpër rrugë të thata, njoftojnë nga Lidhja Auto Moto e Maqedonisë (LAMM).

Intensiteti i komunikacionit në akset rrugore jashtë mjediseve urbane është rritur. Në vendkalimin kufitar “Bogorodicë” koha e pritjes për dalje nga shteti është 20 minuta. Në vendkalimet tjera kufitare nga ana e Maqedonisë, nuk ka vonesa të gjata për hyrje dhe dalje nga vendi.

LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.