Kompania ‘Uber’ tregohet raciste ndaj modeles shqiptare në Amerikë, ia ndalojnë shërbimet se lëshoi muzikë shqipe

Gazeta Express

04/08/2020 18:00

Modelja Lorena Haliti ka bërë një ankesë tek kompania ‘Uber’pasi ata ia kanë bllokuar të gjitha llogaritë në shërbimet që firma ofron në Amerikë e më gjerë.

Kjo pasi që në një vozijte nga të shpeshtat që Lorena bën nëpër rrugët e Amerikës, ku edhe jeton, ajo ka kërkuar që shoferi t’i lëshojë disa këngë shqipe, gjë që ajo e bën shpesh.

Mirëpo, shoferi që kishte shkuar ta marrë Lorenën ishte një serb, gjë për të cilën ajo nuk diti deri në fund të vozitjes, shkruan Gazeta Express.

No longer staying silent. @Uber your Serbian driver filed a complaint to my employer for simply listening to Albanian music during my ride. You have continued to support Xhenophobia and Ethnic racism by banning me with no further investigation. This is disgusting and intolerable. pic.twitter.com/RpfhWQ6sDe

— Lorena Haliti (@LorenaHaliti) August 4, 2020

Më pas ky shofer që ofron shërbim te kompania ka shkruar një ankesë, ku kishte thënë se modelja ka kërkuar që ai të lëshojë muzikë të gjuhës së një populli që ‘ata i kishte shkelur e masakruar’ duke i krahasuar shqiptarët me Nazistët dhe pjesëtarë të klanit KKK.

Kompania pa hulumtuar fare, ia kanë bllokuar menjëherë llogaritë në Uber dhe UberEats modeles shqiptare, duke rënë pre e viktimizimit të serbit.

Ajo iu ka shkruar gjithë ngjarjen kompanisë, të cilëve i ka dërguar email ndërsa edhe gjithçka ka postuar në profilin e saj në rrjetin social Twitter.

Deri tani Lorena nuk ka marrë përgjigje nga komania amerikane dhe llogaritë e saj vazhdojnë të mbesin të bllokuara.

100% serious. @Uber https://t.co/P2lGExuF2M pic.twitter.com/mMxdj29Zcb

— Lorena Haliti (@LorenaHaliti) August 4, 2020

Uber është një kompani amerikane që ofron shërbime të vozitjes, ku shoferët me vetura të tyre kontaktohen nga kompania për pasagjerët që kanë nevojë për transport dhe ata shkojnë te vendi për të kryer shërbimin. Ata gjithashtu bëjnë edhe dërgesa të ushqimeve dha kanë sistem të transportit me biçikleta dhe skuterë./Gazeta Express/