Komandanti iranian thotë se sulmet ndaj qyteteve izraelite janë ‘përgjigje’ ndaj kërcënimeve të Trumpit

Lajme

Gazeta Express

25/03/2026 18:30

Një komandant i Korpusit të Gardës Revolucionare Islamike (IRGC) thotë se Irani shënjestroi sot qytetet izraelite të Dimonës dhe Haifës si një “mesazh i qartë në përgjigje” ndaj kërcënimeve të Donald Trump për të goditur termocentralet në Iran, ka raportuar BBC, transmeton Gazeta Express.

Transmetuesi iranian Press TV raporton se IRGC ka thënë se ka nisur sulme kundër qyteteve të përmendura. Komanda e Brendshme e Izraelit paralajmëroi gjithashtu për predha nga Irani që qëllojnë në ato zona më herët sot.

Seyed Majid Mousavi, komandant i Forcës Hapësinore të IRGC, thotë në një postim në mediat sociale se Trump “duhet të mësojë se çdo kërcënim dhe ultimatum kundër Iranit është pjesë e një akti lufte”.

Në fundjavë, Trump kërcënoi të “shkatërronte” termocentralet iraniane nëse Ngushtica e Hormuzit nuk rihapej, por të hënën tha se po e shtynte veprimin e kërcënuar për pesë ditë.