Kolo Muani po e mban mbi supe Juventusin, shënon dy gola në fitoren ndaj Comos

Sport

Gazeta Express

07/02/2025 22:57

Randal Kolo Muani ishte vendimtar në fitoren e Juventusit.

“Zonja e vjetër” të premten mbrëma e mposhti në udhëtim Comon me rezultatin 2:1.

Kjo ndeshje i takoi javës së 24-t të Serie A.

Të dy golat e Juventusit i realizoi Kolo Muani.

Qendërsulmuesi francez i kaloi në epërsi mysafirët në minutën e 34-t.

Shtatë minuta më pas vendësit i barazuan shifrat me golin që e shënoi Assane Diao.

Kolo Muani e shënoi golin e fitores për 2:1 në minutën e 89-të nga pika e bardhë.

Juventusi ka 43 pikë dhe është në vendin e katërt.

Como ka 22 pikë dhe e mban pozitën e 15-të. Po lufton për mbetje në ligë.