Kolegji i Posaçëm i Apelimit zgjedh kryetar Albana Shtyllën

Gazeta Express

30/06/2020 14:30

Kolegji i Posaçëm i Apelimit, shkalla e dytë e vettingut në drejtësinë shqiptare, tashmë do të ketë drejtues të saj zonjën Albana Shtylla.

Me përfundimin e mandatit të Natasha Mulajt, KPA ka votuar në mënyrë të fshehtë dhe me 7 vota pro, kryetare është zgjedhur Albana Shtylla.

NJOFTIMI:

Në Kolegjin e Posaçëm të Apelimit, sot, më datë 30.06.2020, ora 11:00, u zhvillua seanca për zgjedhjen e kryetarit të Kolegjit të Posaçëm të Apelimit, për periudhën 26.07.2020 – 26.07.2023.

Pas votimit të fshehtë që u zhvillua në prani të vëzhguesve ndërkombëtarë të Operacionit Ndërkombëtar të Monitorimit, rezultoi e zgjedhur me 7 (shtatë) vota pro, kandidatja Albana Shtylla.

Ky rezultat u miratua me vendimin e Mbledhjes së Gjyqtarëve nr. 12, datë 30.06.2020.

Zonja Albana Shtylla do të fillojë ushtrimin e detyrës së kryetares së Kolegjit të Posaçëm të Apelimit, më datë 26.07.2020, kur mbaron mandatin kryetarja në detyrë, znj. Natasha Mulaj.