“Koha për Prishtinën”, Kandidati i PDK Uran Ismaili hap fushatën në sheshin “Skënderbeu”

Lajme

Gazeta Express

13/09/2025 19:38

Kandidati për kryetar të Prishtinës, Uran Ismaili, sot ka hapur fushatën e tij “Koha për Prishtinën”. Ngjarja ka nisur nga or 19:00 në Sheshin “Skënderbeu”, ku u mblodhën qytetarë nga të gjitha lagjet e kryeqytetit.

Në këtë tubim, Ismaili do të shpalosë programin e tij zgjedhor dhe pesë zgjidhjet kryesore për një Prishtinë funksionale dhe të jetueshme, duke prezantuar gjithashtu edhe ekipin e asambleistëve me të cilët synon të qeverisë kryeqytetin në katër vitet e ardhshme.

Ai ka paralajmëruar se për secilën lagje të Prishtinës do të ketë plane dhe buxhet të dedikuar, të cilat do t’u përgjigjen drejtpërdrejt problemeve specifike të banorëve.