Klubi i madh evropian i ofron 100 milionë euro për Arda Gulerin, Reali…

Futboll

Gazeta Express

07/08/2024 14:29

Arda Güler ka bërë që tifozët e futbollit ta lëvizin kokën falë lëvizjeve të tij dhe aftësive të jashtëzakonshme.

Ylli i ri turk kishte bërë gjëra të mëdha në Fenerbaheçe, por lëndimet nuk e lanë t’i tregonte sa duhet vlerat e tij në Real Madrid.

Ndërkaq, ai bëri paraqitje të shkëlqyeshme me Turqinë në Euro 2024 duke e realizuar një gol dhe duke i bërë dy asistime.

Edhe në këtë fazë përgatitore para-sezonale, talenti turk e ka “vjedhur” vëmendjen, përkundër konkurrencës së fortë që ka lindur në “Santiago Bernabeu” me arritjen e yjeve si Mbappe e Endrick.

E tash, mediat spanjolle raportojnë se për përfaqësuesin e ri turk nuk po mungojnë ofertat.

Sipas “Defensa Central”, Manchester United është i gatshëm t’i shpenzojë 100 milionë euro për ta bërë të vetin yllin e ri të “Los Blancos”, përcjell “Gazeta Express”.

Reali thuhet se është informuar për këtë mundësi, por kampionët e Spanjës dhe të Evropës janë të vendosur ta mbajnë në ekip lojtarin e lindur në vitin 2005 në Ankara.

Trajneri Carlo Ancelotti e konsideron lojtarin si pjesë integruese të projektit të tij dhe beson fuqishëm në kontributin e tij në të ardhmen e afërt.

Ndërkohë spekulohej se Reali mund ta japë lojtarin për një vit në formë huazimi në mënyrë që Arda të bëjë përvojë dhe të ketë vazhdimësi. /Gazeta Express/