Klubi anglez po përgatit ofertën për McKennie, Juventusi ia ka caktuar çmimin e largimit amerikanit

Sport

Gazeta Express

24/01/2023 23:50

Weston McKennie raportohet se mund të vazhdojë karrierën në Premierligë.

Eksperti i transferimeve, Nicolo Schira, ka njoftuar se Juventusi ka dhënë dritën jeshile për shitjen e mesfushorit amerikan, transmeton Gazeta Express.

“Zonja e Vjetër” thuhet se kërkon rreth 20-25 milionë euro për shitjen e McKennie, të cilin e kishte transferuar vitin e kaluar për 20 milionë e gjysmë nga Schalke.

Sipas Schiras, Leeds United po përgatit tashmë një ofertë zyrtare për t’ia dorëzuar Juventusit, teksa do të përpiqet edhe të bindë lojtarin për t’iu bashkuar atyre.

24-vjeçari më herët kishte refuzuar mundësinë për të kaluar në Angli, duke refuzuar një ofertë të Bournemouthit.

Weston McKennie me Juventusin ka kontratë të vlefshme deri në verën e vitit 2025.

Ai deri më tani ka regjistruar 96 paraqitje në të gjitha garat, ka shënuar 13 gola dhe ka shtuar pesë asistime. /Gazeta Express/