Kirurgu britanik tregon 8 zakonet e përditshme për të shmangur dhimbjet e shpinës

Keshilla Mjekësore

Gazeta Express

04/11/2025 20:41

Sipas Dr. David Baxter, kirurg i shtyllës kurrizore në Londër, shumica e problemeve të shpinës janë të parandalueshme, dhe njerëzit duhet të kujdesen për shpinën para se të fillojë dhimbja.

Ai ndan tetë zakonet që e ndihmojnë ta mbajë shpinën në formë të shkëlqyer:

1️⃣ Lëviz shpesh

Jetesa e ulur është një nga shkaqet më të zakonshme të dhimbjeve të shpinës. Ecja, vrapet e lehta dhe aktiviteti i përditshëm ndihmojnë në parandalimin e prolapsit të diskut apo stenozës spinale.

2️⃣ Fli mirë

Dr. Baxter zgjohet në 5 të mëngjesit dhe shkon në gjumë në 9:30 të mbrëmjes. Gjumi cilësor është thelbësor, sepse gjatë tij trupi rigjeneron muskujt dhe indet. Ai nuk përdor pilula gjumi, por mban një dyshek të fortë dhe pa jastëk, për të shmangur dhimbjet e qafës.

3️⃣ Pi ujë sapo zgjohesh

Disqet ndërmjet rruazave janë 80% ujë, prandaj hidrimi është jetik për fleksibilitetin e shtyllës. Ai pi një gotë të madhe ujë në mëngjes dhe gjithsej 3–4 litra gjatë ditës.

4️⃣ Bëj ushtrime të lehta

Në mëngjes bën ushtrime të lëvizshmërisë — rrotullime të qafës, shtrirje të shpinës, “cat-cow”, “glute bridges”, etj. Vetëm disa minuta ndihmojnë trupin të qëndrojë i butë e i gjallë.

5️⃣ Ec ose vrapo lehtë

Katër deri në pesë herë në javë, ai del për ecje ose vrap të lehtë për të “shtrirë këmbët” dhe për të marrë diellin që ndihmon në prodhimin e vitaminës D, thelbësore për kockat.

6️⃣ Ha mëngjes të shëndetshëm

Në mëngjes ha manafera, arra dhe kefir — të pasura me probiotikë që përmirësojnë shëndetin e zorrëve. Ai thekson se shëndeti i zorrëve lidhet drejtpërdrejt me atë të shtyllës dhe me mënyrën si trupi përballon inflamacionin.

7️⃣ Qëndro aktiv gjatë punës

Dr. Baxter përdor tryezë në këmbë, ecën çdo 20–30 minuta dhe shmang qëndrimin e gjatë ulur. Ai paralajmëron për “qafën e teknologjisë” që dëmton shtyllën për shkak të qëndrimit të përkulur mbi ekranet.

8️⃣ Menaxho stresin dhe përfundo ditën me relaks

Pas punës bën saunë dhe zhytje të ftohta disa herë në javë dhe një masazh në muaj për të lehtësuar tensionet. Para gjumit bën një dush të ftohtë, që ndihmon trupin të ftohet dhe të bjerë më lehtë në gjumë.

Në thelb, Dr. Baxter beson se:

“Lëvizja është ilaç. Edhe pak aktivitet çdo ditë mbron shtyllën kurrizore dhe përmirëson qëndrimin.” /GazetaExpress/