Kiracovski: Xhaferi të mos e përsërit rastin e Veljanovskit, të thirr seancë për shkarkim të Mizrahit

Ballina

Gazeta Express

13/02/2020 18:06

Deputeti nga rradhët e LSDM-së, Aleksandar Kiracovski, përmes një postimi në rrjetin social Facebook ka kërkuar nga Kryetari i Kuvendit Talat Xhaferi që të mos e vendos sërisht Kuvendin në rolin e mbrojtësit të kuadrove të papërshtatshme siç bëri me rastin e (mos)marrjes së imunitetit të deputetit, Trajko Veljanovski, përcjell Express.

Ai ka kërkuar që sa më shpejtë të vendoset në rend dite edhe shkarkimi i ministres teknike për Punë dhe Politikë Sociale, Rashela Mizrahi.

“Pasi në Qeveri me propozim të kryeministrit aktual teknik kërkohet shkarkim i ministres aktuale për Punë dhe Politikë Sociale, Rashela Mizrahi, nuk ekziston arsye pse Kuvendi të mos e vendos në seancë parlamentare, tani-menjëherë”, ka shkruar Kiracovski në Facebook.

“Mendoj se deputetët janë të lodhur që në kurriz të tyre të thyhen ende shtiza, ndërsa vetë deputetët të cilët kontribuan në realizimin e sukseseve historike dhe arritjeve shtetërore, përsëri të jenë ‘mish për top’”, ka shtuar Kiracovski.

A.SH.