Kinezët testuan një lloj coronavirusi që shkakton vdekjen e menjëhershme, tronditet komuniteti shkencor

Shneta tjera

Gazeta Express

17/01/2024 20:31

Shkencëtarët kinezë po eksperimentojnë me një lloj të ri të coronavirusit që shkakton 100 për qind ngordhjen e minjve të “humanizuar”.

Virusi vdekjeprurës, i njohur si GX_P2V, sulmoi trurin e minjve të krijuar për të pasqyruar një përbërje të ngjashme gjenetike me njerëzit, sipas një studimi të publikuar javën e kaluar në Pekin, raporton New York Post.

“Kjo nxjerr në pah rrezikun e përhapjes së GX_P2V tek njerëzit dhe ofron një model unik për të kuptuar mekanizmat patogjenë të viruseve të lidhura me SARS-CoV-2”, shkruajnë autorët.

Virusi vdekjeprurës është një version i dyfishuar i GX/2017, një lloj i coronavirusit që thuhet se u zbulua në laboratorët e Malajzisë në vitin 2017, tre vjet para pandemisë.

Të gjithë minjtë e infektuar me virusin ngordhën brenda vetëm tetë ditëve, gjë që studiuesit vunë në dukje se ishte një vdekje “çuditërisht” e shpejtë.

GX_P2V infektoi mushkëritë, eshtrat, sytë, traketë dhe trurin e minjve të ngordhur. Në ditët para vdekjes, minjtë humbën peshë me shpejtësi, treguan një qëndrim të përkulur dhe lëviznin jashtëzakonisht ngadalë.

Ndërsa i frikshëm, studimi është i pari i këtij lloji që raporton një shkallë vdekjeje 100 për qind te minjtë e infektuar me një virus të lidhur me coronavirusin, duke tejkaluar shumë rezultatet e publikuara më parë nga një studim tjetër, shkruajnë studiuesit.

Më e rëndësishmja, rezultatet e studimit nuk tregojnë qartë se si kjo do të ndikonte te njerëzit. /Telegrafi