Programi i 70 vjetorit të themelimit të kinemasë “Lumbardhi” në Prizren vazhdon me organizime të ndryshme.
Programi i se premtes me 27 maj nga ora 20:30 vijon me prodhimin e Kosovafilmit “Era dhe Lisi” të regjisorit Besim Sahatçiut. Filmi është i njohur për temën e guximshme që trajton në lidhje me kohën kur është prodhuar: periudha e represionit të UDB-së ndaj shqiptarëve. Tensioni dramatik që mban në këmbë publikun u mirëprit nga publiku kosovar që mbushi kinematë më shumë se kurrë më parë.
Filmat e programit LXX janë përzgjedhur me kujdes nga grupi kuratorial i përbërë nga zëvendësdrejtori për kërkime dhe programe në Fondacionin Lumbardhi, Bengi Muzbeg, regjisorja, kuratorja dhe studiuesja Kumjana Novakova dhe drejtori artistik i DokuFest, Veton Nurkollari.
Programi u realizua në bashkëpunim me Dokufest, Filmski Centar Sarajevo, Vardar Film dhe World Cinema Project të Fondazione Cineteca di Bologna.
/Gazeta Express
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...