‘Kinemaja e zgjeruar’ në Lumbardhi

Arte

Gazeta Express

24/03/2025 16:02

Programi i klubit të filmit të Kinemasë së Zgjeruar në ‘Lumbardhi’ shfaq filmin e fundit për programin e këtij muaji dedikuar kinemasë palestineze, më 26 mars prej orës 20:00

Këtë të mërkurë, në Kino Lumbardhi, shpaloset historia e peshkatarit Issa që i cili një ditë në rrjetën e tij zë një statutjë antike të Apolonit e kjo gjetje që i ndryshon jetën. Ai ndërkohë ka kohë që ka rënë në dashuri me një grua të quajtur Siham, e kjo gjetje vjen fill pasi ai mbledh kurajon për t’ia rrëfyer ndjenjat e tij.

Ky film sjell paraqitje të jetës që rrjedh natyralisht, larg titujve gazetareskë, duke rrëfyer atë rezistencë të qetë e plot mall, duke na hapur një një dritare për të parë dashurinë, dinjitetin dhe ëndrrat edhe në momentet më të vështira.