KFOR kryen stërvitje me helikopterë për rritjen e gatishmërisë operacionale

Lajme

Gazeta Express

02/04/2026 15:47

Ushtarët e caktuar në Komandën Rajonale-Perëndim (RC-W), pjesë e misionit KFOR të udhëhequr nga NATO, kryen një stërvitje me helikopterë që synonte rritjen e gatishmërisë operacionale dhe forcimin e koordinimit midis ekuipazheve ajrore dhe trupave tokësore në Kampin Villaggio Italia në Pejë.

“Përmes këtyre aktiviteteve, të përqendruara në transportin e personelit, evakuimin mjekësor dhe skenarët e emergjencës, personeli i KFOR-it ruan ndërgjegjësimin për situatën, duke reflektuar angazhimin e qëndrueshëm të KFOR-it për të pasur një mjedis të sigurt për të gjithë njerëzit që jetojnë në Kosovë”, tha KFOR në njoftim.

KFOR-i përsëriti se vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Europian për Sundimin e Ligjit në Kosovë (EULEX), në rolet e tyre përkatëse si reagues të sigurisë.