KFF Mitrovica fiton në ndeshjen e fundit ndaj Dukagjinit, shpallet kampione 

Sport

Gazeta Express

12/05/2025 18:02

KFF Mitrovica është shpallur kampione e Kosovës në Superligën e femrave. 

Mitrovicaset kanë fituar ndaj Dukagjinit në ndeshjen direkte për titull. 

Mitrovica ka fituar në udhëtim ndaj Dukagjinit me rezultat prej 1-0. 

Me 53 pikë, Mitrovica doli e para, një pikë më shumë se Dukagjini. 

Për këtë rast, FFK-ja e ka uruar Mitrovicën për shpalljen kampion. 

“Përgëzojmë KFF Mitrovica për fitimin e titullit të kampionit në Superligën e femrave dhe për arritjen e titullit të gjashtë në historinë e klubit.

Ky sukses i madh u vulos pas fitores vendimtare në ndeshjen e fundit të kampionatit ndaj konkurrentit kryesor për titull, KFF Dukagjini, një dëshmi e karakterit, përkushtimit të jashtëzakonshëm të futbollisteve, stafit teknik dhe gjithë klubit.

KFF Mitrovica vazhdon të mbetet një ndër shtyllat e zhvillimit dhe promovimit të futbollit të vajzave në Kosovë, duke e ngritur nivelin e garës dhe frymën e kampionatit çdo sezon.

Urime titulli kampion për KFF Mitrovica, tifozerinë e saj besnike dhe për të gjithë qytetarët e Mitrovicës.

Suksese të mëtutjeshme edhe në garat evropiane!”