“Këtë fishek e kam për burrin e motrës tuaj”, një grua në Fushë Kosovë kanoset nga ish i dashuri

Lajme

Gazeta Express

20/01/2026 8:54

Një femër kosovare ka raportuar se është kanosur nga ish i dashuri i saj. Rasti  ka ndodhur në Fushë Kosovë.

Sipas raportit, i dyshuari i ka lënë viktimës një fishek të kalibrit 7.65 mm, duke i thënë se “e kam për burrin e motrës suaj”.

I dyshuari ndodhet në arrati, ndërsa rasti është duke u hetuar nga organet kompetente.

“Fushë Kosovë 18.01.2026 – 15:30. Është raportuar se viktima femër kosovare, është kanosur nga ish i dashuri i saj i dyshuari mashkull kosovar, i dyshuari i kishte lënë viktimës një fishekë të kalibrit 7.65 mm për të cilin i kishte thënë që e kam për burrin e motrës së juaj. I dyshuari gjendet në arrati. Rasti duke u hetuar”, bëhet e ditur në raportin e policisë.