Këta janë të rinjtë që u kapën me materiale nacionaliste dhe dron në Graçanicë – Nis hetimi për nxitje të urrejtjes

Lajme

Gazeta Express

22/05/2025 7:58

Një veturë me targa të Serbisë dhe tre të rinj brenda saj janë ndaluar mbrëmë nga Policia e Kosovës në Graçanicë, pas dyshimeve për përmbajtje të ndjeshme me prapavijë nacionaliste.

Sinjali mëson ekskluzivisht se bëhet fjalë për: Luka Dimitrijevia, 23 vjeçar, Jovan Popovia, 24 vjeçar, dhe Djorgje Djeniq, 23 vjeçar.

Ata janë ndaluar afër një autolarjeje përballë ETC-së në Graçanicë, në veturën e tipit Mazda ngjyrë e gjelbër, ku gjatë kontrollit janë gjetur stikera dhe mbishkrime me përmbajtje nacionaliste, si dhe një pajisje “dron”.

Pas ndalimit, ata janë shoqëruar në Stacionin Policor në Graçanicë, ku janë intervistuar në prani të njësive relevante, ndërsa me urdhër të prokurorit kujdestar është vendosur që të procedohen penalisht për veprën “Nxitje e urrejtjes”, ndërsa janë liruar në procedurë të rregullt.